തുകല്‍ പെട്ടികള്‍

ഒരു മെലിഞ്ഞ പെട്ടി പിന്നെ അല്പം വലുത്

വടിവില്ലാത്ത അക്ഷരത്തില്‍ സ്ഥലപ്പേരുകള്‍

ചിരി ,ബഹളം സ്വപ്നങ്ങള്‍ മുറിയാത്ത വാക്കുകള്‍

ഒരോട്ടം അങ്ങോട്ട് , പിന്നെ ഒരോട്ടം ഇങ്ങോട്ട്।

കസ്റ്റംസ് കാരന്റെ മുഖത്തേക്ക് ഒരു ഭാവം

പിന്നെയും ചിരികള്‍ ബഹളം॥

എണ്ണിയ സൂര്യാസ്തമനങ്ങള്‍॥

അവസാനം പിന്നെയും വായിച്ചെറിഞ്ഞ

പത്രകടലാസു പോലെ അല്പം ചുളിഞ്ഞ്

പാതി കീറി, എണ്ണപുരണ്ട്।

പ്രവാസ അവധിയുടെ ബാക്കി തുണ്ട് കടലാസ്.

പിന്നെയും മെയ്യെതൊങ്ങാന്‍ മാത്രമുള്ള

ബെഡ് സ്പേസുകള്‍ എന്ന് പേരുള്ള പാതി ശവ മഞ്ചങ്ങള്‍.